थप ४६८ जनामा कोरोना संक्रमण, कुल २६ हजार १९ पुग्यो

इन्द्रेणी संवाददाता
काठमाडौं, ३१ साउन । पछिल्लो २४ घण्टामा नेपालमा ४६८ जना सङ्क्रमित थपिएका छन् । स्वास्थ्य तथा जनसंख्या मन्त्रालयका अनुसार ११ हजार ४७ जनामा पीसीआर परीक्षण गरिएकोमा ४६८ जनामा सङ्क्रमणको पुष्टि भएको हो ।

यो सँगै नेपालमा कुल सङ्क्रमितको संख्या २६ हजार १९ पुगेको छ । मन्त्रालयका प्रवक्ता जागेश्वर गौतमका अनुसार हाल आठ हजार १९३ जनामा आइसोलेशनमा छन् भने १७ हजार २०१ जना सङ्क्रमित निको भएर घर फर्किएका छन् ।