राजेश जीसी
प्यूठान, २६ साउन । प्यूठानमा आज सोमवार एकैदिन थप २३ जनामा कोरोना संक्रमण पुष्टि भएको छ । प्रदेश जनस्वास्थय प्रयोगशाला भैरहवामा गरिएको पिसिआर परीक्षणमा १४ जना नेपाली सेनासहित २३ जनामा कोरोनाको संक्रमण पुष्टि भएको हो ।
संक्रमितमध्ये ३ जना महिला र २० जना पुरुष रहेका छन् । उनीहरुको उमेर १२ बर्षदेखि ४६ बर्षसम्म रहेको छ । योसगै प्यूठानमा ३६५ जनामा कोरोना संक्रमण भएको छ भने ३३७ जना निको भएर घर फर्किएका छन् ।