ठूलो पानी परेकाले तटीय क्षेत्रमा सतर्कता अपनाउन आग्रह

काठमाडौं, २६ साउन । गएरातिदेखि देशका केही ठाउँमा ठूलो पानी परेको छ । वाग्मती, गण्डकी र सुदूरपश्चिम प्रदेशका केही ठाउँमा ठूलो पानी परेको मौसम पूर्वानुमान महाशाखाले जनाएको छ ।

ठूलो पानी परेका र नदी तटीय क्षेत्रमा सतर्कता अपनाउन पनि महाशाखाले अनुरोध गरेको छ । पानी परेका क्षेत्रमा पहिरो र तल्लो तटीय क्षेत्रमा बाढीको जोखिम हुन सक्ने भएकाले सर्तकता अपनाउन आग्रह गरेको हो । आज पनि देशका विभिन्न स्थानमा पानी गर्ने सम्भावना रहेको महाशाखाले जनाएको छ ।