थप २४६ जनामा सङ्क्रमण, कुल संक्रमितको संख्या २०३३२ पुग्यो

काठमाडौं, १८ साउन । आज नेपालमा थप २४६ जनामा कोरोना पुष्टि भएको छ । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा ८ हजार ८६१ जनाको स्वाब परीक्षण गरिएकोमा २४६ जनामा सङ्क्रमणको पुष्टि भएको जनाएको छ ।

योसँगै नेपालमा कोरोना सङ्क्रमितको संख्या २० हजार ३३२ पुगेको मन्त्रालयका प्रवक्ता डा. जागेश्वर गौतमले बताए । पछिल्लो २४ घण्टामा १११ जना कोरोनामुक्त भएर घर फर्केका छन् ।