फन्टलाइनमा खटिने सुरक्षाकर्मी जोखिममा, प्रहरी मुख्यालयका थप २३ जनामा कोरोना पुष्टि

काठमाडौँ, १३ साउन । नेपाल प्रहरी मुख्यालयका थप २३ जनामा कोरोना भाइरसको सङ्क्रमण भएको पुष्टि भएको छ । मुख्यालयमाआइतबार चार जना र मङ्गलबार २३ जना गरी २७ जनामा कोरोना सङ्क्रमण देखिएको हो ।

नेपाल प्रहरीका केन्द्रीय प्रवक्ता डीआइजी निरजबहादुर शाहीका अनुसार चालक, मेकानिक्स र मेसमा काम गर्ने कर्मचारीसहित २७ जनामा केरोना सङ्क्रमण देखिएको छ ।

नेपाल प्रहरी अस्पतालमा उपचार भइरहेको उनीहरूको बलम्बुस्थित सशस्त्र प्रहरीको अस्पताल लग्ने तयारी गरिएको डीआइजी शाहीले जानकारी दिए । हालसम्म फन्टलाइनमा काम गर्ने ३७८ जना सुरक्षाकर्मीमाथि कोरोना संक्रमण देखिसकेको छ ।