रौतहटमा एकैदिन २२ जनामा कोरोना सङ्क्रमण पुष्टि, कूल संख्या ७३३ पुग्यो

रौतहट, १३ जेठ । रौतहटमा आज थप २२ जनामा कोरोना भाइरस सङ्क्रमण पुष्टि भएको छ । जिल्लाको गौर, देवाही गोनाही र राजेदेवी नगरपालिकामा नयाँ सक्रमित भेटिएका हुन् ।

गौर नगरपालिकामा पहिलो पटक सात, देवाही गोनाही नगरपालिकामा तीन र राजदेवी नगरपालिकाका एक जनामा सङ्क्रमण पुष्टि भएको छ । बाँकी सङ्क्रमण पुष्टि भएका ११ जनाको ठेगाना प्रष्ट नखुलेको रौतहटका प्रमुख जिल्ला अधिकारी वासुदेव घिमिरेले बताए ।

रौतहटबाट करिब ११ सयको स्वाब सङ्कलन गरी केन्द्रिय प्रयोगशाला टेकुमा पठाइएको र परीक्षण रिर्पोट आउने क्रम जारी छ ।
नेपालका कोरोना संक्रमितको संख्या ७३३ पुगेको छ ।