स्वास्थ्य मन्त्रालयले त्रुटि सच्यायो, कोरोना संक्रमित २४५ मात्रै

काठमाडौं, १ जेठ । स्वास्थ्य तथा जनसंख्या मन्त्रालयले पछिल्लो कोरोना संक्रमितको संख्या सच्याएको छ ।

पछिल्लो पटक सार्वजनिक गरेको थप पाँच जनामा कोरोना पुष्टि भएको भन्ने विवरणलाई सच्याएको हो । प्राविधिक कारणले संख्या दोहोरिएकोले सँच्याएको विज्ञप्तिमार्फत जानकारी दिएको छ ।

यसअघि सर्लाही, धनुषा र महोत्तरीमा थप पाँच जनामा कोरोना पुष्टि भएको विज्ञप्ति जारी गरेको थियो । अहिलेसम्म संक्रमित संख्या २४५ नै रहेको मन्त्रालयले जनाएको छ ।