नेपालमा पनि कोरोना संक्रमित बिरामी भेटिए

काठमाडौं, १० चैत । नेपालमा पनि कोरोना भाइरस संक्रमित बिरामी भेटिएका छन् । फ्रान्सबाट नेपाल आएकी एक नेपाली विद्यार्थीमा कोरोनाको संक्रमण पुष्टि भएको स्वास्थ्य तथा जनसंख्या मन्त्री भानुभक्त ढकालले बताए ।

१९ वर्षीय एक युवतीमा कोरोनाभाइरसको संक्रमण देखिएको र अहिले उनलाई टेकु स्थित शुक्रराज ट्रपिकल तथा सरुवा रोग अस्पतालमा राखिएको मन्त्री ढकालले जानकारी दिए । उनी गत चैत ४ फ्रान्सबाट कतार हुँदै नेपाल आएकी थिइन् । रुघाखोकी लागेपछि स्वाब परीक्षण गर्दा आइतबार कोभिड–१९ को संक्रमण देखिएको थियो ।