काठमाडौँ, २५ मंसिर । एसियाली विकास बैङ्कले नेपालका विभिन्न चारओटा परियोजनाका लागि ४० अर्ब ४५ करोड ४० लाख रुपियाँ (३५ करोड ८० लाख डलर) ऋण उपलब्ध गराएको छ ।
सम्झौता अनुसार एडीबीले पोखरा–मुग्लिन सडकको स्तरोन्नति, बागमती नदीको बेसिनमा बाढी व्यवस्थापन स्तरोन्नति तथा नदी स्वस्थता सुधारका लागि थप वित्तीय सहयोग, साना किसानको आम्दानी बढाउने तथा जीविकोपार्जन सुधार र सरकारको कृषि तथा खाद्य सुरक्षासम्बन्धी परियोजनाका लागि ऋण उपलब्ध गराउनेछ ।
त्यसमध्ये पोखरा–मुग्लिन सडकको स्तरोन्नतिका लागि २२ अर्ब तीन करोड (१९ करोड ५० लाख डलर) ऋण उपलब्ध हुनेछ । सासेक परियोजना अन्तर्गतको यो सडक खन्डको पोखरादेखि आँबुखैरेनीसम्मको ८१ किलोमिटर सडकलाई चार लेनको बनाइनेछ आजको गोखापत्रमा खबर छ।