Indrenionline.com

बजार अनुगमन : होटलमा फोहर बढी

सल्यान, ५ कार्तिक । सल्यानका बजारमा कतिपय पसलहरु गैरकानुनी रुपमा सञ्चालन भएको पाइएको छ ।

स्थानीय तहहरुले गरेको अनुगमनको क्रममा पसल दर्ता नगरी गैरकानुनी ढंगले संचालन भएको, दर्ता नवीकरण नगरेको तथा इजाजत नलिएर मदिरा तथा सुर्तिजन्य पदार्थ विक्री वितरण भएको पाइएको हो । जिल्लाको कपुरकोट, सिद्धकुमाख र दार्मा गाउँपालिकाले आफ्नो पालिका भित्रका बजारहरुमा अनुगमन गरेका हुन् ।

कपुरकोट गाउँपालिकाका दुई सयभन्दा बढी पसलमा गरिएको अनुगमनको क्रममा विभिन्न कमजोरीहरु देखिएको अनुगमन समितीका संयोजक अरुण दाहालले जानकारी दिए । गत आइतबार देखि मंगलबारसम्म लगाएर गाउँपालिका भित्रका सबै बजारको अनुगमन भएको उनले जनाए ।
होटलहरुमा सरसफाईको कमी देखिएको, खाना बनाउने र भाँडा माझ्ने ठाउँ नजीकै भएको, कतिपय पसल दर्ता तथा नवीकरण नै संचालन भएको पाइएको उद्योग वाणिज्य संघ सल्यानका सदस्य तथा अनुगमन टोलीका सदस्य कमल घर्ती मगरले जनाए ।