रोल्पा, २८ भदौ । वर्षातका कारण आएको पहिरोले घर पुरिँदा एकै परिवारका चारसहित ६ जनाको ज्यान गएको छ । रोल्पाको घर्तीगाउँ–थबाङ सडक खण्डको छेर्लोबाङमा पहिरो खस्दा थबाङ गाउँपालिका–२ छेर्लोबाङस्थित शिरकुमारी बुढाको घर पहिरोले पुर्दा २८ वर्षीया शिरकुमारी र उनका छोरा ४ वर्षीय असल बुढालगायत ६ जनाको पुरिएर मृत्यु भएको हो ।
शुक्रबार बिहान स्थानीयले शिरकुमारी र उनको छोरा असलको शव निकालेका थिए । बाँकी बेपत्ता ४ जनाको शव मिरुल, कुरेली, थबाङबाट गएको प्रहरी र स्थानीयले शुक्रबार दिउँसो मात्र भेटाएका थिए ।