Indrenionline.com

मुटुको जाँच गराउन प्रधानमन्त्री शिक्षण अस्पताल

Prime Minister KP Sharma Oli at an interaction with the Reporters' Club Nepal Deusi Bhailo team, in Kathmandu, on Friday, November 13, 2015. Photo: RSS

काठमाडौँ–प्रधानमन्त्री केपी शर्मा ओलीले बुधबार बिहान शिक्षण अस्पताल महाराजगञ्जमा पुगेर स्वास्थ्य परीक्षण गराएका छन् । त्रिवि शिक्षण अस्पताल परिसरमा रहेको मनमोहन कार्डियोथोरासिक भास्कुलर तथा ट्रान्सप्लान्ट सेन्टरमा पुगेर प्रधानमन्त्री ओलीले मुटुको जाँच गराएका हुन् ।

ओली सिंगापुरमा उपचार गरेर साउन २० गते नेपाल फर्किएका थिए । प्रधानमन्त्री सामान्य फलोअपका लागि अस्पताल पुगेको वालुवाटार स्रोतले बतायो ।

अस्पताल स्रोतका अनुसार बुधबार प्रधानमन्त्री केपी शर्मा ओलीको मुटुमा यसअघि सिङगापुरमा राखिएको क्याथेटर निकालिएको हो । चिकित्सकहरुका अनुसार ‘प्लाज्मा फेरोसिस गर्दा प्रधानमन्त्रीको मुटुमा राखिएको क्याथेटर निकालिएपनि थप उपचार गर्नु नपरेको बताएका छन् । उनीहरुले क्याथेटर निकाल्न करिब १०–१५ मिनेट लागेको र त्यसपछि प्रधानमन्त्री ओली अस्पतालबाट फर्किएका छन् ।

उनी जाँचपछि बालुवाटार फर्किसकेका छन् । सिंगापुरमा प्लाज्मा फेरिसस प्रक्रियाबाट उपचार गराएपछि चिकित्सकले ओलीलाई आराम गर्न सुझाएका थिए । चिकित्सकको सल्लाह अनुसार नै ओलीले वालुवाटारबाटै भेटघाट गरिरहेका छन् । उनी सार्वजनिक कार्यक्रममा देखिएका छैनन् ।