पत्रकार सम्मेलनबाटै विप्लव समूहका विद्यार्थी नेता पक्राउ

काठमाडौँ, २७ वैशाख । प्रहरीले नेत्रविक्रम चन्द ‘विप्लव’ नेतृत्वको नेपाल कम्युनिष्ट पार्टीका विद्यार्थी नेता चिरञ्जीवी ढकाललाई आज काठमाडौँको अनामनगरबाट पक्राउ गरेको छ ।

उक्त समूहको विद्यार्थी सङ्गठन अखिल क्रान्तिकारीका केन्द्रीय अध्यक्ष ढकाललाई आज अनामनगरमा विभिन्न विद्यार्थी संगठनहरुले आयोजना गरेको पत्रकार सम्मेलनबाट पक्राउ गरिएको हो ।  विभिन्न विद्यार्थी सङ्गठनको पत्रकार सम्मेलनमा सहभागी भई निस्कने क्रममा पक्राउ गरिएको हो ।