बाँके, १९ चैत । बारा र पर्सामा हावाहुरीमा परी घाइते भएकाहरुको उपचारका लागि बाँकेमा रक्तदान कार्यक्रम आयोजना गरिएको छ ।
रगत संकलन गरी हवाइ मार्गबाट काठमाडौ हुँदै बारा र पर्सा पठाइने तयारी भए पनि बारा र पर्सामा रगत प्रयाप्त भएको जानकारी आए पछि रक्त संचार केन्द्र नेपालगजको जिम्मामा संकलित रगत राखिएको हुरीपपका अध्यक्ष आलम खानले बताए ।
हुरीपपका सचिव असलम भाटको संयोजकत्वमा आयोजना गरिएको खुला रक्तदान कार्यक्रममा सामाजिक अभियानकर्मी, विभिन्न सङ्घसंस्था क्लबलगायत संलग्न रहेका २० जना यूवाहरुले रक्तदान गरेको आयोजकले जनाएको छ ।