काठमाडौं, २३ फागुन । राज्यविरुद्ध संगठित कसूर गरेको आरोप लागेका डा. सीके राउतलाई रिहा गर्न सर्वोच्च अदालतले सरकारलाई आदेश दिएको छ ।
राज्यविरुद्ध संगठित अपराध गरेको आरोप लगाई राउतलाई केही महीना अघि सरकारले पक्राउ गरी मुद्दा दायर गरेको थियो । रौतहट जिल्ला अदालतले राउतलाई थुनामा राखेर मुद्दाको कारवाही अगाडि बढाउनु पर्ने निर्णय गरेको थियो । सो निर्णयलाई उच्च अदालतले सदर गरेपछि राउतले सर्वोच्चमा निवेदन दिएका थिए ।