घुस लिदै गर्दा मालपोतका सुब्बा पक्राउ

काठमाडौं, ७ माघ । अख्तियार दुरुपयोग अनुसन्धान आयोगले जिल्ला मालपोत कार्यालय ललितपुरका नायब सुब्बासहित एक जनालाई घुस लिएको अभियोगमा पक्राउ गरेको छ ।

आयोगका अनुसार एक सेवाग्राहीको जग्गा हाल साविक गर्ने प्रयोजनका लागि नायब सुब्बा कुमारबहादुर राजभण्डारी र सहयोगी बाबुराजा शाक्यले ६ हजार रूपैयाँ घुस लिँदालिँदै आइतवार कार्यकक्षबाटै पक्राउ परेका हुन् । आरोपी दुवैको अनुसन्धान भइरहेको आयोगका प्रवक्ता रामेश्वर दङ्गालले जानकारी दिए ।