स्वास्थ्य अवस्था विग्रीएपछि डा केसी अस्पताल भर्ना

काठमाडौं, ३० पुस । चिकित्सा शिक्षाको सुधारको माग गर्दै अनसनमा रहेको डा गोविन्द केसीको स्वास्थ्यमा समस्या भएपछि बिहान जिल्ला अस्पताल इलाममा भर्ना गरिएको छ ।

१६ औँ पटकको अनसनको छैटौँ दिन आजसम्ममा डा केसीको स्वास्थ्य स्थिति गम्भीर बन्दै गएपछि उनलाई जिल्ला अस्पतालमा भर्ना गरिएको हो ।

डा केसीको रक्तचाप बढ्नुका साथै फोक्सोमा सङ्क्रमण बढ्दै गएको र मुटुको गति पनि अनियमित भएर शिथिल भएपछि अस्पताल भर्ना गरिएको डा केसीका वार्ता टोली सदस्य अधिवक्ता डा सुरेन्द्र भण्डारीले बताए । अस्पताल भर्ना गरिएपनि डा केसीले औषधि भने लिन मान्नु भएको छैन ।