काठमाडौँ, १४ पुस १४ गते । भेरी बबई डाइभर्सनको बहुउद्देश्यीय आयोजनाको १० किलोमिटर सुरुङ खन्ने काम सम्पन्न भएको छ । आयोजनाको भौगोलिक अध्ययनमा निकै जोखिम र चुनौतीपूर्ण देखाएको यो भाग अनुमान गरेभन्दा कम र समयभन्दा अगावै सम्पन्न हुन लागेको दाबी गरिएको छ ।
आयोजना प्रमुख सञ्जिव बरालका अनुसार आयोजनाको भौगर्भिक अध्ययनमा यो काम गर्न निकै जोखिम र चुनौती हुनसक्ने भनेर अनुमान गरिएको भागमा समेत सुरुङ खनेर पार गरी १० किलोमिटर सुरुङ खनिसकिएको छ । हालसम्मको कार्यप्रगति हेर्दा यो आयोजनामा सुरुङतर्फ लागत अनुमानभन्दा कम लागतमा र अनुमानित समय अगावै काम सम्पन्न गर्न सकिने उनको दाबी छ आजको गोरखापत्रमा खबर छ।
गत वर्षको दशैँको फूलपातीको दिनबाट मगाइएको टनेल बोरिङ मेसिन ९टीबीएम० ले काम सुरु गरिएको थियो । काम सुरु भएको एक वर्ष दुई महिनामा १० किलोमिटर सुरुङ खन्ने काम सम्पन्न भएको छ । आयोजना प्रमुख बरालले भने, ‘अहिलेसम्मको काम हेर्दा निकै राम्रो उपलब्धि हासिल भएको छ । अनुमानभन्दा कम रकमसँगै कम समयमा काम सम्पन्न हुनसक्ने देखिएको छ ।’