इन्द्रेणी संवाददाता
पुस ७, दाङ । दाङ–सल्यान सडकखण्डको राम्रीमा शुक्रवार साँझ भएको बस दुर्घटनामा परी मृत्यु हुनेका संख्या २३ पुगेको छ ।
शैक्षिक भ्रमणमा शिक्षक र विद्यार्थी सल्यानको कपुरकोटस्थित वनस्पति उद्यान केन्द्रको अवलोकन फर्कने क्रममा घोराहीस्थित कृष्णसेन इच्छुक स्मृति बहुप्राविधिक शिक्षालयको बा ४ ख ९७६६ नम्बरको वस तुलसीपुर ३ राम्रीमा दुर्घटना भएको थियो ।
यसैबीच शिक्षालयको बस दुर्घटनाप्रति नेपाल कम्युनिष्ट पार्टी दाङले दुःख व्यक्त गरेको छ । नेपाल कम्युनिष्ट पार्टी दाङका सेक्रेटरी विक्रमले एक विज्ञप्ती जारी गरी सल्यान दाङ सडकखण्ड अन्र्तगत तुलसीपुर ३ राम्री नजिकै विद्यार्थी बोकेको बस दुर्घटनामा परी ज्यान गुमाउनेहरुप्रति हार्दिक श्रद्धाञ्जली व्यक्त गरेको छ भने घाइतेहरुको शिघ्र स्वास्थ्य लाभको कामना गरेको छ ।