रुकुम, १ पुस । अख्तियार दुरुपयोग अनुसन्धान आयोगले कर्णाली प्रदेशमा ३९१ उजुरी छानबिनको क्रममा रहेको बताएको छ । गत आर्थिक वर्षका मौज्दात उजुरी १५२ रहेको छ भने चालू आवको ४ महीना (कात्तिक मसान्तसम्म) २३९ उजुरी दर्ता भएको कार्यालयले जानकारी दिएको छ ।
गत वर्ष कार्यालयमा ७५१ उजुरी परेका थिए, जसमध्ये ५ सय ७१ फछ्र्योट गरिएको थियो । उजुरी फछ्र्योटबाट १८ लाख ९९ हजार रुपैयाँ असुल भएको कार्यालयले बताएको छ । कार्यालयको तथ्यांकअनुसार सबैभन्दा बढी उजुरी वैशाख, जेठ, असार र साउन महीनामा पर्ने गरेको छ ।