कपुरकोट गाउपालिकाले बनायो १६६ किलोमिटर नयाँ मोटरबाटो

सल्यान, ९ मसिर । कपुरकोट गाउँपालिका सल्यानले आफ्ना उपलव्धीहरु समार्वजनिक गरेको छ । पत्रकारहरुसँगको साक्षात्कार कार्यक्रममा गाउँपालिकाले उपलव्धी र आगामी नीति सार्वजनिक गरेको हो ।

सूचना अधिकारी जीवराज केसीले सहजीकरण गरेको कार्यक्रममा गाउँपालिकाका अध्यक्ष भिमबहादुर सेनले कपुरकोटको विकासमा रचनात्मक सल्लाह, सुझाव र साथ दिन पत्रकारहरुलाइ आग्रह गरे ।

गाउँपालिकाभित्रका कुनै पनि योजना सञ्चालन गर्दा उपभोक्ता समिती गठनदेखि योजना सम्पन्न गर्दासम्म जनसहभागीता, अनुगमन र पारदर्शितालाइ विशेष जोड दिइएको बताए । बाल विवाह न्युनिकरण, मदिरा, जुवा तास जस्ता विकृती रोक्नका लागि सचेतनामूलक कार्यक्रमहरु सञ्चालन भइरहेको जनाउँदै अध्यक्ष सेनले यसवर्ष २३२ वटा योजनाहरु सञ्चालनमा रहेको बताए ।