खुलामञ्चमा एक लाख कार्यकर्ता उतार्ने विप्लवको तयारी

काठमाडौं, १३ कार्तिक। भूमिगत शैलीमा आफ्ना गतिविधि अघि बढाएको आरोप लागेको नेत्रविक्रम चन्द ‘विप्लव’ नेतृत्वको नेकपाले आगामी मंसिर ८ मा काठमाडौंमा जनसभा गर्दैछ।

खुलामञ्चमा आयोजना गरिने जनसभामा एक लाखभन्दा बढी कार्यकर्ता उतार्ने नेकपाले तयारी गरेको छ । हाल विप्लव कहाँ छन् भन्ने जानकारी गराइएको छैन। केही दिनअघि सत्तारुढ दल नेकपाको चियापान कार्यक्रममा विप्लव बस्ने स्थान पत्ता नलागेपछि सार्वजनिक सूचना जारी गरी निम्तो पठाइएको थियो ।

सभामा नेकपाले मोहन वैद्य ‘किरण’ नेतृत्वको क्रान्तिकारी माओवादीलाई आमन्त्रण गर्ने भएको छ। सो सभामा पार्टीका महासचिव विप्लव, प्रवक्ता खड्गबहादुर विश्वकर्मा ‘प्रकाण्ड’ लगायत नेताहरुले सम्बोधन गर्ने जनाइएको छ।