काठमाडौं, १२ कार्तिक। छातीमा समस्या देखिएपछि त्रिवि शिक्षण अस्पताल महाराजगञ्जमा भर्ना भएका प्रधानमन्त्री केपी शर्मा ओलीलाई भेट्न नेकपा अध्यक्ष पुष्पकमल दाहाल प्रचण्ड त्रिवि शिक्षण अस्पताल पुगेका छन् ।
यता अस्तपालले आजै एक विज्ञप्ति निकाली ओलीको स्वास्थ्य अवस्था सुधार उन्मुख भएको जानकारी दिएको छ । त्रिवि शिक्षण अस्पताल मनमोहन कार्डीयोथोरासिक भास्कुलर तथा ट्रान्सप्लान्ट सेन्टरका कार्यकारी निर्देशक प्रा.डा उत्तक कृष्ण श्रेष्ठका अनुसार प्रधानमन्त्री ओलीको छातिमा संक्रमण र शरिरमा चिनिको असन्तुलन देखिएको बताए ।
अस्पतालले एक विज्ञप्ति जारी गर्दै प्रधानमन्त्रीको स्वास्थय क्रमिक सुधार भएको जानकारी दिएका छन् । त्यस्तै उनको स्वास्थय स्थिति सामान्य रहेको समेत विज्ञप्तिमा उल्लेख छ ।