जुवाको खालबाट २३ जुवाडे पक्राउ, चार तलामाथिबाट हाम फाल्दा दुई जनाको मृत्यु

काठमाडौं, २० असोज । महानगरीय प्रहरी परिसर काठमाडौंबाट डिएसपी होविन्द्र बोगटीको कमाण्डमा सादा पोशाकमा खटिएको प्रहरी टोलीले शुक्रवार राति मुलपानी स्थित एक ‘भीआईपी जुवा अखडमा छापा मार्यो ।

प्रहरी टोलीले जुवा खालमा छापा हान्दै गरेको अवस्थामा ४ तला माथिबाट हाम्फाल्ने दुई जुवाडेको मृत्यु भएको छ । मृत्यु हुनेमा सरोज घले र सोमलाल तामाङ छन् ।

प्रहरी अप्रेशनका क्रममा हामफालेका दुईजनाको उपचारको क्रममा अस्पतालमा मृत्यु भएको हो । जुवाको खालबाट एक महिलासहित २३ जनालाई प्रहरीले पक्राउ गरेको छ ।