कालिकोट, ७ असोज । ठेकेदारको लापरबाहीले कर्णाली राजमार्गका एउटा पुलको कालो सुचि सहित ४ वटा पुल अलपत्र परेका छन । म्याद सकिएको लामो समय भए पनि अझै सम्म पुलको निर्माण अधुरै रहेको छ । सडक डिभिजन कार्यलय सुर्खेतले हेर्ने ४ र जुम्ला सडक डिभिजन कार्यलयले हेर्ने एउटा गरि जम्म ५ वटा पुलको निर्माण अलपत्र अवस्थामा रहेका छन ।
यस्तै सुर्खेत देखि दैलेखको दैखोला सम्म १२ वटा पुलको निर्माणको जिमा लिएको रसुवा निर्माण सेवाले पनि सम्झौता सकिन लाग्दा पनि पुलनिर्माणको अवस्था ढिला सुस्ति रहेको पनि पाईएको छ ।
कार्यालयका इन्जिनियर देवेन्द्र भटराईका अनुसार ठेकेदारले समयमै ठूलो लागतका पुल निर्माण नगर्दा यात्रु समस्या भोग्न बाध्य छन । सरोकारवाला निकायको उदासीनता, ढिलासुस्ती र ठेकेदारको लापरबाहीका कारण कर्णाली राजमार्ग अन्तर्गत पर्ने अति आवश्यक ५ वटा व्रिजपुलको निर्माण कार्य अलपत्र परेकोे बताए ।
कालिकोटको तिलागुफामा पर्ने टाकुल्ला खोलानको पुलभने वर्षौै समय खर्चिदा समेत पुल नवन्दा कालो सुचिमा परिसकेको बताउँदै बाँकि ५ ठाउँका पुल निर्माणको ठेक्का पाएको ४ वर्षभन्दा बढी भइसक्यो,’उनले भने, भौतिक प्रगति भने केहि नदेखिएको बताए ।
राजमार्गको दैलेखको जाक्सि खोलामा १८ लाख लागतमा निर्माण हुने ५० मिटर व्रिजपुलको पिलर मात्र ठड्याएको छ ।सम्झौता मिति सकिएको ३ वर्ष वितिसक्दा पुलको पिलर मात्र ठड्यायएको छ।
यस्तै अन्य ४ वटा पुलको अवस्था पनि उस्तै रहेको पाइएको छ ।हिउँदको समयमा एक दुई जनाकामदार मजदुरी गरिरहेका देखिन्छन । बाँकी समय निर्माणस्थलमा न कामदार देखिन्छन न त ठेकेदार नै आउने गरेको स्थानीयको भनाइ छ । एकदुई दिन लगातार वर्षा हुने बित्तिकै खोलामा पानीको सतह बढ्छ । सडक अवरुद्ध हुँदायात्रु सास्ती खेप्न बाध्य छन ।
दैलेखको जाग्सि खोलाको पुलनिर्माण अवधि २०७०मा सम्भौता भई २०७५ वैशाख मसान्तमै सकिनु पर्ने भएतापनि अहिले सम्म पिलर मात्रखडा गरिएकाछन । २०७३ सालमा पिलर खडामात्र गरिएको पुल भत्किए पछि म्याद थप गरिएको थियो । वर्षमा एक महिनाजति काम गरेको जस्तो गर्ने र बाँकी समय कामै नहुने गरेको स्थानीयले बताए ।
ठेक्काको सम्झौता हुँदा निर्माण कम्पनीलाई दिएको म्याद सकाएर दुई दुई पटक थपिएको भएतापनि अझै थप समय पनि त्यसै गुजारिएको छ । छिटैपुल बन्छ भनेर सुनेको ३ वर्ष कटाउँदा पनि पुल नबन्दा यहाँका स्थानीयलाई खोला तर्न निकै समस्या भएको छ । कालिकोटका स्थानीय गाडि चालक विष्णु शाहिले भने प्रत्येक वर्षामा सधैं ज्यान धरापमा राखेर खोला तर्न बाध्य भएका छांै । प्रत्येक वर्षको वर्र्षयाममा खोलाको पानी वढ्दा कर्णाली राजमार्गमा चल्ने सवारी साधनहरु वाटोमै लाम लाग्ने गरेका छन ।
जिल्ला प्रशासन कार्यालयका प्रमुख जिल्ला अधिकारी चन्द्र बहादुर कार्कीले गृह मन्त्रालयको परिपत्र अनुसार समयमै काम सम्पन्न नगर्ने निर्माण कम्पनिहरुको बिवरण मन्त्रालयमा पठाउँदा पनि निर्माण कार्य छिटो नभएको बताए ।
उनले सडक डिभिजन कार्यलय जुम्ला र सुर्खेतलाइ वुझि कर्णाली राजमार्गका सवैपुल र निर्माणधिन पुलहरुको निर्माण कार्यलाई तीव्रता दिन निर्माण कम्पनिहरुलाई ताकेता गरेका भए पनि त्यसलाई ठेकेदारहरुले वास्ता गरेका छैनन् । राजधानीबाट