Indrenionline.com

आज ऋषिपञ्चमी मनाइदै

काठमाडौं, २९ भदौ । आज भाद्र शुक्ल पञ्चमी । आजको दिनलाई ऋषि पञ्चमी अर्थात नेपाली नारीहरूले सप्त ऋषिको पूजा आराधना गरी मनाउँदैछन् ।

महिलाले आज बिहानै उठेर नजिकको नदी, खोला, ताल, तलैया र पोखरीमा गई ३६५ दत्तिवनले दाँत माझ्ने, गाईको गोबर, माटो र खरानी लगाई स्नान गर्ने गर्दछन् ।

रजस्वलाका समयमा छाइछुइलगायत कुनै त्रुटि भए आज ऋषि पञ्चमीको दिन अरुन्धतीसहित सप्तऋषिको पूजा गर्नाले मुक्ति मिल्ने धार्मिक विश्वास छ । यो दिनलाई तीज पर्वको अन्तिम दिन पनि मानिन्छ ।