एजेन्सी, ४ भदौ । तालिवान लडाकुहरुले सोमबार अफगानिस्तानमा सयौँ सर्वसाधारणको अपहरण गरेका छन्।
उत्तरी अफगानिस्तानमा ३ बसलाई एम्बुसमा पारी उनीहरुले सर्वसाधारणको अपहरण गरेका हुन्।
कुन्दज शहरका प्रवक्ता इस्मातुल्लाह मुरादीले अपहरण भएको स्थान तालिवानले नियन्त्रण लिएको स्थान भएको पुष्टि गरेका छन्।
त्यस क्षेत्रमा समय समयमा सरकारी सेना र तालिवानबीच भीडन्त हुँदै आएको छ। आइतबारमात्र सरकारले विद्रोही तालिवानसँग युद्धविराम गरेको थियो।