सरकारी जग्गा व्यक्तिको नाममा गराइदिने मालपोत प्रमुखसहित १० जनालाई जेल सजाय

काठमाडौं, २० असार । सरकारी जग्गा व्यक्तिको नाममा बनाएर लालपुर्जा दिलाउने मालपोत प्रमुखसहित १० जनालाई जरिवानासहित जेल सजाय ठहर गरिएको छ ।

विशेष अदालतले अख्तियार दुरुपयोग अनुसन्धन आयोगले दर्ता गरेको मुद्दामा आंशिक दोषी ठहर गर्दै संखुवासभाका मालपोत प्रमुखसहित २ जना कर्मचारी र स्थानीय ८ जनालाई जरिवानासहितको जेल ठहर गरेको हो ।

विशेषका न्यायाधीशहरु द्धारिकामान जोशी, रत्नबहादुर बागचन्द र चण्डीराज ढकालको इजलासले मंगलबार सरकारी जग्गा व्यक्तिका नाममा दर्ता मुद्दामा मिलेमतो गर्ने कर्मचारी सहितलाई आंशिक दोषी ठहर गरेको आजको नागरिक दैनिकमा खबर छ ।