ओलीले चिनियाँ निजी क्षेत्रसँग यस्तो सम्झौता गरे

बेइजिङ, ६ असार । नेपाल र चीनका व्यवसायीबीच व्यापारिक सम्झौतामा हस्ताक्षर भएको छ । ६ दिने चीन भ्रमणमा रहेका प्रधानमन्त्री केपी शर्मा ओलीको उपस्थितीमा बुधबार बेइजिङस्थित नेपाली दूताबासमा सो सम्झौतामा हस्ताक्षर गरिएको हो ।

सम्झौतामा हाइड्रोपावर र पर्यटनमा चिनियाँ पक्षले लगानी गर्ने र नेपालको पस्मिना चीन निर्यात गर्ने विषय उल्लेख छ । प्रधानमन्त्रीको स्वागतको लागि दूताबासले कार्यक्रमको आयोजना गरेको थियो । कार्यक्रममा प्रधानमन्त्रीले छोटो सम्बोधन गरेका छन् ।

स्थानीय समय अनुसार उनी मंगलबार अपराह्न ५ः१५ बजे बेइजिङ पुगेका थिए । प्रधानमन्त्री ओलीलाई चिनियाँ सहायक विदेशमन्त्री चाङ हानहुईले स्वागत गरेका थिए ।  नयाँ पत्रिकाबाट