खाँदवारी, ३ असार । अरुण तेस्रो जलविद्युत आयोजनाको सुरुङ मार्गमा पुरिएका चार जना मजदुरको ३८ घण्टापछि जिवितै उद्धार गरिएको छ । शुक्रबार राति ८ बजेर ४० मिनेट जाँदा सुरुङमा फसेका उनीहरुलाई आज आइतबार नेपाली सेना, सशस्त्र प्रहरी र नेपाल प्रहरीको टोलीले सकुशल उद्धार गरेको हो ।
सुरुङमा फसेकाहरुलाई खोज्ने क्रममा उद्धार टोलीले ठूलो ढुंगामा प्वाल पारेर उज्यालो छिरेपछि उनीहरुको आवाज सुनिएकाले डोरीको प्रयोग गरेर उद्धार गरेको बताइएको छ । परियोजनाको बाँध निर्माणस्थलमा पहिरो खस्दा उनीहरु थुनिएका थिए ।