सर्पको टोकाइबाट किशोरीको मृत्यु

लहान, १७ जेठ । सिरहाको कल्याणपुर नगरपालिका–६, भोक्राहामा विषालु सर्पको टोकाइबाट एक किशोरीको मृत्यु भएको छ ।

कमला नदीको बगरमा तारबुजा टिप्न गएको बेला विषालु सर्पले टोक्दा स्थानीय ततरा मियाँकी १६ वर्षीया छोरी अमिदा खातुनको मृत्यु भएको कल्याणपुर नगरपालिका–६ का वडाध्यक्ष मोतिबुल राइनले बताए ।

विषालु सर्पको टोकाइबाट सिकिस्त भएकी अमिदालाई उपचारका लागि अस्पताल लैजान खोजिए पनि तत्कालै एम्बुलेन्सको व्यवस्था नहुँदा उपचारको अभावमा मृत्यु भएको वडाध्यक्ष राइनले बताए ।