काठमाडौं, ३ जेठ । प्रधानमन्त्री एवं नेकपा एमालेका अध्यक्ष केपी शर्मा ओलीले एमाले माओवादी पार्टी एकताले नेपालको सुखद भविष्यको दर्ता गर्ने काम गर्ने बताएका छन् ।
कार्यक्रममा ओलीले भने, “ढुक्क हुनुहोस् दमनकारी होइन, विकासकारी हुनलाई एकता गरिएको हो, शासन गर्नलाई हैन सेवा गर्नलाई एकता गरिएको हो, भ्रष्टाचार गर्नलाई हैन त्यसको नियन्त्रण र सुशासन कायम गर्नलाई पार्टी एकता गरिएको हो ।” पार्टी एकता भएर संसदमा आरामदायी एकल बहुमत भएपनि प्रमुख प्रतिपक्षीदल नेपाली कांग्रेसलाई साथमै लिएर अघि बढ्ने समेत उनले बताए ।