नयाँदिल्ली, २३ चैत । त्रिदिवसीय राजकीय भ्रमणका क्रममा शुक्रवार नयाँदिल्ली पुगेका प्रधानमन्त्री केपी शर्मा ओलीलाई इन्दिरा गान्धी अन्तरराष्ट्रिय विमानस्थलमा भारतका केन्द्रीय गृहमन्त्री राजनाथ सिंह र अर्थराज्यमन्त्री प्रताप शुक्लाले स्वागत गरेका छन् ।
५४ सदस्यीय प्रतिनिधिमण्डलसहित शुक्रवार बिहान ९ बजे प्रधानमन्त्री ओली नयाँदिल्ली प्रस्थान गरेका हुन् । शनिवार महत्वपूर्ण भेटघाट गरी प्रधानमन्त्री ओली आइतवार स्वदेश फर्कने कार्यक्रम छ । रासस