काठमाडौं, २३ फागुन । राष्ट्रपतिमा विद्यादेवी भण्डारी दोहोरिने पक्कापक्की भएका वेला नेकपा माओवादी केन्द्रले उपराष्ट्रपतिमा नन्दबहादुर पुनलाई नै दोहोर्याउने निर्णय गरेको छ ।
माओवादी नेता जनार्दन शर्माले प्रधानमन्त्रीसँगको समझदारीका आधारमा उपराष्ट्रपतिमा पुनलाई नै दोहोर्याउने निर्णय गरेको बताए। ‘राष्ट्रपति र उपराष्ट्रपति दुवैले कुनै विवादित हुने काम नगरेको हुनाले प्रधानमन्त्रीज्यूसँगको समझदारीका आधारमा हामीले पनि उपराष्ट्रपति दोहोर्याउने निर्णय लिएका छौं’, शर्माले भने।