सल्यान, २२ फागुन । सल्यानको कपुरकोट गाउँपालिकाले बाख्रापालन पेशालाई व्यवसायिक बनाउन मंगलबारदेखि तालिम शुरु गरेको छ । वडा नम्बर १, २ र ३ का किसानहरुलाइ कसरी व्यवसायिक बन्ने भन्ने बारेमा तीनदिने तालिम शुरु गरिएको गाउँपालिकाले जनाएको छ ।
अझै पनि बाख्रापालन निर्वाहमुखी रहेको र कृषकहरूमा व्यावसायिक बाख्रापालन सम्बन्धी थोरैमात्र ज्ञान हुनुले यो व्यवसायलाई आशातित हिसाबले अगाडि बढाउन नसकिरहेको अवस्था रहेको उनले बताए ।
तीन दिनसम्म चल्ने तालिममा बाख्राको खोर व्यवस्थापन, आहारा, प्रजनन, रेकर्ड किपिङ, पशु स्वास्थ्य, उपचार तथा बजारिकरणका बारेमा प्रशिक्षण दिइने कपुरकोट पशु सेवा शाखाका पशु चिकित्सक कमल कुशुम आचार्यले बताए ।