इन्द्रेणी संवाददाता
विजौरी गाविसमा रहेका विद्यालयहरुका ६२ जना किशोर किशोरीहरुलाई यौन तथा प्रजनन् स्वास्थ्य संवन्धि एकदिन प्रशिक्षण दिईएको छ । विजौरी युवा सञ्जालको आयोजनामा किशोर किशोरीहरुका लागी आयोजना गरीएको यौन तथा प्रजनन् स्वास्थ्य संवन्धि एकदिने प्रशिक्षण कार्यक्रममा प्रशिक्षक विजौरी स्वास्थ्य चौकीका प्रमुख डिल्ली केसीले प्रजनन रुपमा पुर्ण स्वास्थ हुनका लागि प्रजनन अंगहरु ठीक, सबल हुनुमात्र नभई प्रजनन तथा यौन सम्बन्धित मानसिकता, दृश्टिकोण, अवधारणा, सोच आदि पनि सकारात्मक हुनु जरूरी रहेको वताउनु भएको छ । प्रशिक्षक केसीले मानिस सामाजिक रुपमा पनि स्वस्थ हुनु जरुरी रहेकोले अर्काको सम्मानमा ठेस पुग्नेगरी जिस्काउने, छुने, यौनहैरानि गर्ने कार्यलाई पनि प्रजनन अस्वास्थ्यताको रुपमा हेरीने भन्दै किशोर किशोरीहरुले यसतर्फ विशेस ख्याल गर्नुपर्ने वताएका थिए ।
