इन्द्रेणी संवाददाता
सुर्खेत, ७ फागुन । आफूले मन्त्री नपाएको भन्दै प्रदेशसभा ५ मा निर्वाचित एमाले सांसद चन्द्रबहादुर शाहीले राजीनामा दिएका छन्।
यसअघि उनी सभामुखका आकांक्षी थिए। एमालेभित्र सभामुखमा उनको चर्चा चले पनि अन्तिम चरणमा आएर दैलेखका राजबहादुर शाहीलाई एमालेले सभामुख बनाएको थियो।
एमालेका केन्द्रीय सल्लाकारसमेत रहेका शाहीले पार्टीको साधारण सदस्यबाट पनि राजिनामा दिएको बताएका छन् । उनले पैसा र शक्तिको आडमा मन्त्री छनौट गरिएको र आफूलाई अन्याय भएकाले राजीनामा दिन बाध्य भएको प्रतिक्रिया दिएका छन् ।