इन्द्रेणी संवाददाता
काठमाडौं, ४ माघ । नेकपा एमाले अध्यक्ष केपी शर्मा ओलीले सरकारले आफू मनपरी प्रदेश प्रमुख र अस्थायी मुकाम तोकेको बताएका छन् ।
‘ अहिले तोकिएका प्रदेश र राजधानीको र प्रमुख प्रति हाम्रो सहमति छैन ’, ओलीले भने, ‘ मनपरी ढंगले सरकारले प्रदेश राजधानी र प्रमुख तोक्ने काम गरेको छ ।’
सरकारले सात प्रदेशमा तोकेको प्रमुृखको विषमया नयाँ सरकार बनेपछि पुनर्विचार हुने पनि उनले बताए । अहिले तोकिएका केन्द्र प्रदेशसभाको दुई तिहाई मतले जनअपेक्षा अनुसार नै परिवर्तन गर्न सक्ने भएकाले अहिले आन्दोलन गर्नुको कुनै अर्थ नभएको ओलीले स्पष्ट पारे ।