साउदी अरबले रोक्यो विदेशी महिलालाई भिजिट भिसा

इन्द्रेणी संवाददाता

काठमाडौं, २९ पुस । अब साउदी अरबमा २५ वर्षभन्दा कम उमेरका महिलाहरु भिजिट भिसामा जाना नपाउने भएका छन् ।

२५ वर्ष भन्दा माथिका विदेशी महिलालाई मात्रै साउदी अरबले सिङ्गल भिजिट भिसा दिने जनाएको छ । उसले यसअघिको भिजिट भिसा सम्बन्धी प्रावधानमा व्यापक संशोधन गर्दै यस्तो नियम ल्याएको साउदी अरबको विदेश मन्त्रालयले जनाएको छ ।

२५ वर्ष भन्दा कम उमेरका महिलाले साउदी घुम्नका लागि कि परिवारको साथमा जानुपर्ने छ कि त कुनै पर्यटन समुहसँग आवद्ध भएर भिसा लिनुपर्ने पनि यसले जनाएको छ । २५ वर्ष माथिका महिलाले एकल प्रवेश भिसा पाएपनि भिसा अवधी भने मात्र एक महिनाको तोकिएको छ ।