धादिङ, १८ पुस । धादिङको गंगाजमुना गाउँपालिका–७ बुढाथुममा ट्याक्टर पल्टिदा दुई जनाको घटनास्थलमा मृत्यु भएको छ । दुर्घटनामा अर्का एकजना घाइते भएका छन्।
दुर्घटनामा मृत्यु हुनेमा ट्याक्टरका चालक गंगाजमुना गाउँपालिका वडा नम्बर ६ बसेरीका विकास अधिकारी र सोही ठाउँ बस्ने होमबहादुर श्रेष्ठ रहेको जिल्ला प्रहरी कार्यालय धादिङले जनाएको छ । दुर्घटनामा घाइते भएका अर्का यात्रु सरोज परियारको आरुघाटमा उपचार भइरहेको छ।