शेरधन राई चढेको गाडीमा बम प्रहार, जवाफी कारवाहीमा प्रहरीले २१ राउण्ड गोली चलायो

भोजपुर, २८ कार्तिक । बाम गठबन्धनका तर्फबाट भोजपुर क्षेत्र नं.२ बाट उम्मेदवार बनेका एमाले उम्मेदवार शेरधन राई चढेको गाडीमा विप्लव नेतृत्वको नेपाल कम्युनिष्ट पार्टीका कार्यकर्ताले बम प्रहार गरेका छन् ।

भोजपुरको ट्याम्केमैयु गाउँपालिका–७ को दलगाउँ र कोटको बिचको पिखुवा खोलमा १४ /१५ जनाको समूहले गाडीमाथि बम हानेको प्रत्यक्षदर्शीले बताएका छन् ।
बम प्रहारबाट ल्यान्ड रोभर गाडीमा क्षति भएको छ । उम्मेदवार राई भने सकुशल छन् । सुरक्षामा खटिएका असईले बम प्रहार गर्नेमाथि २१ राउन्ड गोली प्रहार गरेका छन् ।