प्रभाकर चढेको गाडीमाथि बम प्रहार

रुकुम, २४ कार्तिक । प्रतिनिधि सभाका लागि रुकुमबाट उम्मेदवार भएका  नेकपा माओवादी केन्द्रका नेता जनार्दन शर्मालाई ताकेर रुकुममा बम प्रहार भएको छ ।

बाम गठबन्धनको तर्फबाट प्रतिनिधि सभा सदस्यका उम्मेदवार तथा विना विभागीय मन्त्री जनार्दन शर्मा र उनको प्रचार टोलीलाई लक्षित गरी रुकुमको चौरजहारी नगरपालिका–८, को गोइरीमा बम प्राहार भएको हो । २ वटा बम प्रहार गरिएको माओवादी केन्द्र रूकुमले जनाएको छ ।

बम प्रहारबाट मानवीय र भौतिक क्षति नभएको बताइएको छ । बम प्रहार गर्नेको खोजीकार्य भैरहेको प्रहरीले बताएको छ । नेत्रबिक्रम चन्द् विप्लव नेतृत्वको नेपाल कम्युनिष्ट पार्टीका कार्यकर्ताहरूले बम प्रहार गरेको शंका गरिएपनि प्रहरीले भने पुष्टि गरेको छैन् । गृहन्त्री समेत रहेका शर्माको गाडीमा वम प्रहार भएपनि उनको सुरक्षा व्यवस्था कडा पारिएको छ ।