ढुङ्गेल १२ वर्ष ५ महीना २२ दिनका लागि कारागार चलान

काठमाडौं, १४ कार्तिक । ओखलढुंगाका उज्ज्वन कुमार श्रेष्ठको हत्याको अभियोगमा सर्वोच्चबाट सर्वस्वसहित जन्मकैदको फैसला सुनाइएका माओवादी नेता बालकृष्ण ढुंगेल पक्राउ पछि १२ वर्ष ५ महीना २२ दिनका लागि सदरखोर कारागार डिल्लीबजारमा कैद भुक्तानका लागि चलान भएका छन् । जिल्ला अदालत काठमाडौंले मङ्गलवार विहान ललितपुरको सातदोबाटोबाट पक्राउ परेका ढुङ्गेललाई डिल्लीबजार कारागार चलान गरेको हो ।

नेपाल प्रहरीको फरार सूचीमा रहेका नेकपा माओवादी केन्द्रका नेता बालकृष्ण ढुङ्गेललाई मङ्गलवार विहान पक्राउ गरेको हो । २०५५ साल असार १० गते ओखलढुङ्गाका उज्जैन कुमार श्रेष्ठको हत्यामा सर्वोच्चले दोषी ठहर गर्दै ढुङ्गेललाई जन्मकैदको फैसला सुनाएको थियो ।