बालकको हत्यापछि कञ्चनपुरको अवस्था तनावपूर्ण, आरोपीको घरमा आगजनी, प्रहरीद्धारा असुरग्याँस प्रहार

महेन्द्रनगर, ३० भदौ । कन्चनपुरको हल्दुखालमा १३ वर्षका बालकको हत्या गर्ने आशिष अधिकारिको घर गोठमा आक्रोशित स्थानीहरुले आगजनी गरेका छन् । आक्रोशित समुहले अधिकारीको गोठमा आगजनी गरिदिएपति त्यहाँको अवस्था तनावग्रस्त बन्दै गएको छ ।

आगजनीबाट अधिकारीको गोठ पुरै जलेर नष्ट भएको छ । आगजनी गरे लगत्तै आगो निभाउन दमकल पुगेपनि स्थानीयले अवरोध गरेपछि गोठ पुरै जलेको हो । घरमा समेत आगजनीको प्रयास हुन थालेपछि प्रहरीले स्थितीलाई नियन्त्रणमा लिन ९ सेल अश्रुग्याँस समेत प्रहार गरेको थियो ।

अवस्ता तनालग्रस्त भएपछि त्यहाँ ठूलो संख्यामा प्रहरी परिचालन गरिएको छ भने घटना वरपरको स्थानलाई निशेधित क्षेत्र घोषणा गरिएको छ ।
दक्षिणमा खैरेनी राम मन्दिर, पूर्बमा भिमदत्त नगरपालिकाको ३ र ७ नम्बर वडाको सीमा, उतरमा निर्माणाधीन महाकाली नहर र पश्चिममा घटनास्थल रहेको छ । चारदिनदेखि हराइरहेका बालक तिलक चन्दको हत्या भएको अवस्थामा बुधबार शब भेटिएको थियो ।