राजपामा उम्मेदवार छनौटको तीब्र विवाद

काठमाडौं, १९ भदौ । प्रदेश नम्बर २ मा असोज २ गते हुन लागेको स्थानीय निकायको निर्वाचनका लागि राष्ट्रिय जनता पार्टी नेपालभित्र उम्मेदवार छनौटका विषयलाई लिएर तिब्र विवाद भएको छ।

विवादका कारण उम्मेदवार मनोनयनको मिति आउन दुई दिनमात्रै बाँकी रहेपनि राजपाले कुनै पनि तहका उम्मेदवारको टुंगो लगाउन सकेको छैन। पहिलो र दोस्रो चरणको स्थानीय तह निर्वाचन बहिष्कार गरेको राजपा नेपालभित्र आकंक्षी धेरै भएपनि समस्या भएको हो।

तर, दुई जनामात्रै आकंक्षी भएका ठाउँमा पनि उत्तिकै विवाद सिर्जना भएको छ। उम्मेदवार छनौटको विषयलाई लिएर राजपा अध्यक्ष मण्डलभित्रै मतभेद बढेको छ।