चितवन, १८ भदौ । नेकपा एमालेका अध्यक्ष केपी शर्मा ओलीले असोज २ गते प्रदेश नम्बर २ मा पनि नेकपा एमाले पहिलो पार्टी बन्ने दावी गरेका छन् ।
उनले पहिलो र दोसो चरणको स्थानीय निकायको चुनावमा पहिलो भएको र अब मंसिरमा हुने प्रदेश सभा र प्रतिनिधिसभाको चुनावमा समेत एमालेलाई पहिलो पार्टी बन्नलाई कसैले नछेक्ने बताए ।
एमाले बिरुद्ध कांग्रेस र माओवादीको गठबन्धनले आफ्नो पार्टीलाइै चुनाव जित्न रोक्न सक्दैन ‘हाम्रा विरुद्ध अनेक मोर्चाबन्दी भएको छ, पार्टीहरु मिल्दैमा आत्तिनु पर्दैन, ती पार्टी कत्रा छन् ? अनेरास्ववियु जत्रा पार्टी कतिवटा छन् ?’ उनले भने ।