रक्सीले मातिएर छोराले कुट्दा बुवाको मृत्यु

रुपन्देही, १७ साउन । रुपन्देहीमा एकजनाले आफ्नै बुवाको हत्या गरेका छन् ।

मर्चवारी गाउँपालिका–१ कोटिहवाको ६० वर्षका सन्तु चाईको ३५ वर्षका छोरा लाल चाईले कुटपिट गर्दा ज्यान गएको जिल्ला प्रहरी कार्यालय रुपन्देही जनाएको छ ।

लालले रक्सीले मातेर बुवा सन्तुलाई गएराति कुटपिट गरेर घाइते बनाएका थिए । उनको आज बिहान उपचार गर्दै गर्दा भैरहवा मेडिकल कलेजमा मृत्यु भएको प्रहरीले जनाएको छ । छोरा लाललाई प्रहरीले नियन्त्रणमा लिएको छ ।