जहाज नआउँदा एकहजार चिठ्ठी जुम्लामै थन्किए

जुम्ला, १० साउन । एक महिनादेखि नेपाल वायु सेवा निगमको हवाईजहाज जुम्ला नआउँदा एक हजार २४ रजिस्टर गरिएका चिठ्ठी जुम्ला हुलाक कार्यालयमै थन्किएका छन् ।

हुलाक सेवा विभागले वायु सेवा निगम बाहेक निजी विमान कम्पनीसँग सम्झौता नगरिदएकाले यो समस्या आएको निमित्त हुलाक अधिकृत जनक नगरकोटीले बताए ।

हुलाक विभागमा बारम्बार निगमको जहाजको विकल्प खोज्न अनुरोध गरेपनि सञ्चार मन्त्रालयबाट सुनुवाइ भएको अवस्था छैन ।