सर्वोच्चले माग्यो शर्माको विशेष अदालतको फाइल

काठमाडौं, ८ साउन । आन्तरिक राजस्व विभागका निलम्बित महानिर्देशक चुडामणि शर्मालाई थुनामुक्त गर्न माग गर्दै परेको मुद्दाको आज आइतबार पनि सुनुवाई हुन सकेन ।

मुद्दामा सर्वोच्च अदालतमा आज राखिएको बृहद् पूर्ण इजलास स्थगित भएपछि सुनुवाइ हुन नसकेको हो । विशेष अदालतमा समेत मुद्दा चलिरहेकाले त्यहाँको फाइल मगाउने निर्णय गरेर आजको सुनुवाइ स्थगित भएको हो ।

बृहद् पूर्ण इजलासमा न्यायाधीशहरु दीपकराज जोशी, दीपककुमार कार्की, केदारप्रसाद चालिसे, शारदाप्रसाद घिमिरे र अनिलकुमार सिन्हा रहेका थिए ।