साउन ४, काठमाडौं । सोमबारबाट जारी माओवादी केन्द्रको सचिवालय बैठकको तेस्रो दिन पनि नेताहरुले स्थानीय तहको निर्वाचनको समीक्षा रिपोर्ट प्रस्तुत गर्नुभएको छ । बुधबार दिउँसो पार्टी केन्द्रीय कार्यालयमा बसेको बैठकमा नेताहरुले चुनावी समीक्षा गर्नुभएको हो ।
चुनावी समीक्षा गर्दै नेताहरुले बलियो संगठन नभएका कारण नै निर्वाचनमा अपेक्षित सफलता प्राप्त नभएको रिपोर्ट प्रस्तुत गर्दै पार्टी पूनर्निर्माणमा जोड दिनुभएको छ । सचिवालय बैठक बिहीबार पुनः बस्नेछ ।